Намайг Б.Тамир гэдэг. Би телевизийн салбарт ажилладаг жирийн л нэгэн залуу. Тэр нэгэн өвлийн хүйтэн өдөр “УБ” нэртэй жижигхэн кафед цай уух гэж орохдоо С.Болормаа гэх үзэсгэлэнт бүсгүйг олж харснаар миний амьдралын аз жаргалтай өдрүүд эхэлсэн юм даа.

Марк, 6 настай: ” ээж аавыг 00-д сууж байхыг хараад муухай байна гэж бодохгүй байхыг хэлдэг.”
Ноелле, 7 настай: “Хэн нэг эрэгтэйд цамц нь таалагдаж байна гэж хэлэхэд тэр өдөр болгон тэр цамцаа өмсөхийг хайр гэнэ.”
Синди, 8 настай: “Төгөлдөр хуурын тоглолтын үед би тайзан дээр маш айсан байсан. Тэгээд хүмүүс рүү харсан чинь манай аав ганцаархнаа надруу даллаад инээж байсан. Би тэгсэн айхаа больчихсон. Энэ хайр байх.”
Ребекка, 8 настай: “Манай эмээ үе мөчний өвчнөөсөө болоод өөрийнхөө хөлний хумсыг авч чадахаа больсон учраас манай өвөө үргэлж авч өгдөг болсон. Манай өвөө өөрөө бас үе мөчний өвчтэй. үүнийг хайр гэнэ.”
Билли, 4 настай: “Хэрвээ хэн нэгэн чамд хайртай бол тэр чиний нэрийг өөрөөр дууддаг. Чиний нэр түүний аман дотор аюулгүй байгаа гэдгийг чи мэддэг.”
Карл, 5 настай: ” Эмэгтэй хүн үнэртэй ус түрхээд, эрэгтэй нь сахлын ус түрхэж уулзаад бие биенийхээ үнэрийг үнэртэхийг хайр гэж хэлдэг.”
Крисси, 6 настай: “Хайр гэдэг бол чи гадуур хооллож байхдаа шарсан төмснийхөө ихэнхийг нь хэн нэгэнд өгөөд өөрөө авахгүй байхыг хэлнэ.”
Тэрри, 4 настай: “Чамайг ядарсан үед инээлгэдэг зүйлийг хайр гэнэ.”
Данни, 7 настай: “Хайр гэдэг бол манай ээж кофе бэлтгээд аавд өгөхийн өмнө амт нь зүгээр эсэхийг шалгаж амсахыг хэлнэ.”
Эмили, 8 настай: “Хайр гэдэг бол чи байнга үнсэхийг хэлдэг. Чи үнссээр байгаад ядарчих юм бол, хамт байж илүү ихийг ярихыг хүсдэг. Миний ээж аав хоёр яг тэгдэг.”

Никка, 6 настай: “Хэрвээ чи илүү хайрлаж сурахыг хүсвэл, дургүй найзаасаа эхлэх хэрэгтэй.”
Клейр, 6 настай: “Миний ээж намайг хэнээс ч илүү хайрладаг. Ээжээс өөр хэн ч шөнө унтаж байхад чамайг үнсэхгүй шүү дээ.”
Елайнэ, 5 настай: “Ээж аавд тахианы махны хамгийн гоё хэсгийг нь өгөхийг хайр гэнэ.”
Крис, 7 настай: “Ээж аавыг муухай үнэртэй, хөлстэй болчихсон байхад нь хүртэл түүнийг Роберт Рэдфордоос илүү сайхан залуу гэж хэлдгийг хайр гэнэ.”
Мари Анн, 4 настай: “Хайр гэдэг бол бүтэн өдөр ганцааранг нь орхисон ч гэсэн миний нүүрийг долоохыг хэлдэг.”
Лаурен, 4 настай: “Манай эгч надад бүх хуучин хувцсаа өгөөд өөрөө шинийг худалдаж авахаас өөр аргагүй болдог. Тэндээс надад хайртайг нь би мэддэг.

Карен, 7 настай: “Хэрвээ чи хэн нэгэнд хайртай бол, чиний сормуус дээш доошоо дэрвээд, нүднээс чинь од бутардаг.”
Жессика, 8 настай: “Хэрвээ чи чин сэтгэлээсээ л хэлэхгүй бол ‘Би чамд хайртай’ гэж хэлж болохгүй. Хэрвээ үнэхээр хэлж байгаа бол олон дахин хэлэх хэрэгтэй. Яагаад гэвэл хүмүүс амархан мартдаг.”

Олон судлаачид хүн хүндээ татагдаж хайртай болоход 5 төрлийн үндсэн үе шаттай таардаг гэдгийг тогтоожээ. Гэвч ихэнхи хосууд 3 дахь үе шат дээрээ гацаж салах тохиолдол олон байдаг гэнэ. Та бүхэндээ 5 төрлийн үе шатыг танилцуулахад бид бэлэн. Харин та бэлэн үү?

1. Дурлах

Хэн нэгэн хүнийг харахаар аз жаргалын даавар илэрч амьдрах урам зориг тань ихсэж байвал та тэр хүнд дурласан байна гэсэн үг юм. Та тэр хүнтэй л хамт байвал бүх зүйлийг чадах мэт мэдрэмжийг өөр нэгэнд татагдах гэж ойлгож болно.

2. Үерхэх

Үерхэж эхлэх нь илүү дотно танилцаж хувь хүнийг дотоод ертөнцөөс нь харах боломжийг өгдөг. Таны асуудал, жаргал нөгөө хүнд , Түүний асуудал, жаргал танд нөлөөлж эхэлдэг. Үүнээс энэ хүнтэй цаашид хамт үерхэх нь надад хэр зэрэг тохирох вэ? гэсэн асуултын хариултыг ихэнх хүмүүс олж чаддаг юм.

Насанд хүрсэн хосуудад: Урт удаан хугацаанд үерхсэн хосуудад нэг л зүйл дутагдаж, хоосон хөндий санагдаж эхэлдэг бөгөөд энэ нь тэдний хоорондох харилцааг илүү хариуцлагатай, дотно болгох бяцхан хүүхэд байдаг. Хэрэв та бие биедээ хайртай боловч өдөр ирэх тусам уйтгартай, нэгэн хувийн санагдаж байгаа бол хүүхэдтэй болох талаар ярилцаад үзээрэй.

3. Итгэл алдрах

Түүнтэй хамт байх итгэл найдвар тасрах мэт сэтгэл хөдлөл танд ойр ойрхон мэдрэгддэг болж эхэлнэ. Хэрэв энэ хүнтэй хамт байгаад байвал таны амьдрал ингээд л дуусчих юм шиг таагүй сэтгэгдэл байнга төрөх нь таныг сэтгэлд гутралд оруулдаг. Энэ үед ихэнх хосууд хамт байх, салах нь огт ялгаагүй мэт санагдсанаас болж салах нөхцөл байдал бий болж хосууд салдаг байна. Гэвч эргээд бие биенээ санан нийлж чадвал тухайн хосуудын харилцаа улам дотно, гүнзгий, утга учиртай болж чаддаг. Хэрвээ эргэн нийлэхгүйгээр салсан бол та хоёрын хайр дурлал сэтгэлийн бус энгийн нэгэн бие биенээ шохоорхох сэтгэл хөдлөл байсан гэдгийг ойлгоорой.

4. Бодит, урт удаан хугацааны хайр үүсгэх

Хэрэв та өмнөх 3 үе шатаа давж гарсан бол бие биендээ бүх цаг, зав, сэтгэлээ гарган бие биенийхээ алдааг хүлээн зөвшөөрөн бие биенээ сайжруулах тал дээр хамтран ажиллаарай.

Одоо та хоёрт сүүлийн шатанд гарах боломж бүрдлээ.

5. Нэг хүн болох

Та хоёр нэгэнт бие биенээ хайрлахаар шийдсэн бол бие биенээ ойлгож, бие биенээ юу ч болсон уучлах ёстой гэдгийг үргэлж санаарай. Гэвч алдаа гэдэг тоотой байх хэрэгтэй гэдгийг өөрөө болон түүндээ анхааруулах хэрэгтэй. Таны хайртай хүнд муу зуршил байдаг бол сайн зуршил байдаг гэдгийг үргэлж санаж яваарай. Цаг хугацаа өнгөрөх тусам та хоёрын хүмүүжил, ааш араншин, зуршил хүртэл нэг болох болно. Ирээдүйд та хоёрыг нэгтгэсэн шинэ бие нь та хоёрын үр, удам бай билээ.

Аз жаргал хүсье

1. Хайртай хүнээ сайн судлах 

Усанд шумбаж байгаа мэт хайр сэтгэл рүү шумбан орох нь үнэхээр сайхан. Ихэнх хүмүүс тийм гүн мэдрэмжийг авч үзээгүй л бол хайртай байж үзээгүй хэмээн боддог байна. Гэхдээ энэ бол ташаа бодол юм шүү. Учир нь хүн бүрийн хайр өөр өөр байдаг. Гал шиг дүрэлзсэн, эргэн тойронд байгаа бүхнийг шатаагаад зөвхөн үнс нуранги үлдээдэг хайр байхад зөөлөн жигд, удаан асдаг гал ч бий. Заримдаа хөнгөхөн үлээхэд унтарсан мэт санагдавч, эргээд бадамлан асдаг. Тиймээс, урт удаан хугацааны туршид хайрлахыг хүсч байвал хайртай хүнээ сайн судалж, түүний сонирхол, эрхэм зүйл, зарчим, зорилго, зорилт гээд аль болохоор ихийг мэдэж авахыг хичээгээрэй. Тэгвэл хожим нь хайртай хүнийхээ гаргах зан авир, шийдвэр зэрэгт гайхаад байхгүй, түүнд урам хугарахгүй, өөрийгөө ч хий дэмий зовоохгүй.

2. Нэгдмэл зорилготой байх 

Ихэнх тохиолдолд хосууд амьдралын өөр өөр зорилготой байдгаас харилцаагаа таслахад хүрдэг.  Нэг нь албан тушаал амжилт гаргах хүсэлтэй байхад, нөгөөх нь олон хүүхэдтэй, аз жаргалтай гэр бүлийг босгохыг хүснэ. Нэг нь овоохой дотор амьдарч байсан ч диваажинд байгаа мэт байж чадах ч, нөгөөх нь том, саруулхан, сайхан байшинтай болохыг мөрөөднө. Хосууд тохиролцоонд хүрч чадаагүйгээс салж сарнидаг. Тиймээс, нэгдсэн нэг зорилготой байж, түүндээ хүрэхийн төлөө хамтдаа тууштай зүтгэх нь чухал.

3. Хайртай хүнээ хүндлэх 

Хайртынхаа хүслийг хүндэлж, түүнийг сонсож байгаарай. Өөрийнхөө хүсэл сонирхолыг дээгүүрт бүү тавь. Мэдээж, үзэл бодлын зөрчилдөөн гаралгүй яахав. Гэхдээ тэглээ гээд хэн нэгнийх нь үзэл бодол оршин тогтнох эрхгүй гэсэн үг бишээ. Тиймээс, тохиролцож сураарай. Бие биенээ доромжилж, дээрэлхэх хэрэггүй.

4. Сексийг аль болохоор их хийх 

Хэдийгээр хосуудын харилцаанд секс тэргүүн байрыг эзлэх албагүй ч, сексгүйгээр сэтгэл хөрдөг. Тиймээс, сексийг аль болохоор их хийж байгаарай. Ингэснээр, та хоёрыг холбох сэтгэлийн нарийн утас хэзээ ч тасрахгүй, бие биедээ илүү дотно болохоос гадна, хэл амаа хөнгөн ололцож, харилцаан буулт хийхдээ ч амар байдаг.

5. Бүдүүлэг авирлахгүй байх 

Хосуудын харилцаанд юу эс тохиолдох билээ. Биеэ барьж чадахгүй болтол уурлах нь энүүхэнд. Гэхдээ бид араатан биш хүн учраас сэтгэл хөдлөлөө барих чадварыг эзэмшсэн байдаг. Хайртай хүндээ бүдүүлэг авирлаж хэрхэвч болохгүй. Эс тэгвээс харилцаанд сэв суулгаж, чин сэтгэлийн бус харилцааг бий болгодог байна.

6. Өөрийнхөө хувийн орон зайг хадгалах 

Хайртай дуртай, дотно харилцаанд орлоо гээд хувийн орон зайгаа үгүй болгох шалтгаан бишээ. Хэрвээ өөрийнхөө хүсэл мөөрөдөлдөө зай үлдээхгүй бол хайрын хамааралд орох, эсвэл хайртаасаа салж ч мэднэ. Тиймээс, өөрийн гэсэн  хүсэл сонирхолоо хадгалж чадвал биеэ даасан, хараат бус хүн хэвээр үлдэж, бие биенээ татах чадвараа алдахгүй, бие биенээсээ уйдахгүй, хайр чинь ч гэсэн мөнх орших болно.

7. Өөрийгөө хөгжүүлэх 

Хувь хүний хөгжил нь боловсрол дээр төдийгүй, өөрийгөө өөрчлөх, дутагдлуудаа засч залруулах тал дэр ч явагдаж байх ёстой. “Би ийм л байсан, цаашдаа ч ийм байна. Намайг байгаагаар минь хайрлавал хайрла, байвал бай” гэсэн зарчмыг  баримтлах хэрэггүй. Өөрийгөө хайрлуулах нөхцлийг бүрдүүлэхгүй бол хэн ч чамайг хайрлахгүй. Тиймээс, байгаагаасаа илүү сайн болох тал дээр ажлаарай. Хайртай хүнтэйгээ харьцаж сурч, бие биенийхээ амьдралыг сонирхож, бие биенээсээ суралцаж өөрсдийгөө хөгжүүлээрэй.

8. Уян хатан байх 

Харилцаанд таагүй, хүнд нөхцлүүд үүсэх нь олонтаа бөгөөд арга, заль гаргахгүй бол харилцаагаа дуусгавар болгох аюултай. Тиймээс, уян хатан байж, хаана хэзээ буулт хийх үү, хэдийд үзэл бодолдоо тууштай байх уу, хэзээ нь тоглоом шоглоом болгож хувиргах уу, юунд нь гомдох уу, хэдийд хайртынхаа алдааг нь хэлж залруулах уу гэдгийг мэдэж байх хэрэгтэй.

9. Амьдралдаа өөрчлөлт оруулах 

Хүлээн зөвшөөрөхөд хэцүү байгаа ч, хайр сэтгэл бөхөх гээд байдаг онцлогтой. Тиймээс, харилцааг чинь сэргээх, бие биенээ өөр өнцгөөс харах, шинэ мэдрэмж авах тийм нөхцлүүдийг бүрдүүлж байх хэрэгтэй.

10. Хайртай гэдгээ мэдрүүлэх 

Хайрыг үгээр биш үйлдэл дээрээ батлаж байвал хайр мөнх оршиж чадна. Амаараа бол юу ч гэж хэлж болно, харин хийсэн үйлдэл чинь хайр чинь бодит уу, эсвэл хуурамч уу гэдгийг мэдрүүлдэг.

Бүсгүй хүн бүр мундаг залуутай гэрлэхийг хүсдэг. Ар гэрээ асуудалгүй аваад явчихдаг, буурь суурьтай жинхэнэ эр хүн. Харин ганц бие бүсгүй минь маргааш гэхэд л чиний хүссэн тэр залуу яг тэр чигээрээ дэргэд чинь гараад ирвэл чи яах вэ? Чи гайхалтай хайрыг бүтээж, энэ миний хайртай хүн гээд бусдад бардам танилцуулахдаа итгэлтэй байж чадах уу? Чи түүний дэргэд өөрийнхөөрөө байж чадах болов уу?

Хүн бүрийн хүсэл биелдэг. Цаг хугацаа орчин нөхцлөөрөө өөр байж болох ч энэ амьдралаас хүн бүр хүссэнээ авдаг. Тийм болохоор яг одоо чиний бодож мөрөөдөж байгаа залуу “намайг уургалаач” гэсэн тэмдэгтэйгээр чиний өмнө гарч ирэх үед чи бэлтгэлтэй байх хэрэгтэй.

1. Юуны өмнө чиний сэтгэл санаа бэлэн болов уу?

Чи шинэхэн харилцаа үүсгэж, хайрыг хүлээж авахдаа бэлэн үү? Эсвэл өнгөрсөн дэх сэтгэлийн шарх чинь эдгэлгүй, өөрийн мэдэлгүй бүх эрчүүдийг экстэйгээ харьцуулсаар яваа бол шинэ харилцаа чиний хүсэж байгаачлан аз жаргалаар дүүрэн байхгүй ч байж мэднэ. Мөрөөдлийн залуугаасаа өмнөх шархаа эдгээж өгөхийг биш аз жаргалтай, эрч хүчтэй чамайг бүтэн болгож өгөхийг л хүсэх нь зөв. Тэгэхээр чи яг одоо юу хийх хэрэгтэй вэ гэвэл өөртэйгөө ажилла. Сонирхолтой амьдармаар байвч ганцаардаад байгаа бол үүнийг ганц бие байгаадаа тохох хэрэггүй. Харин ч ганц бие байхдаа туршиж болох бүх зүйсийг хийж, өөрийгөө завгүй, эрч хүчтэй, мөрөөдөлтэй, зорилготой байлга. Найз залуутай болмоор байна гэж хүссэн мөчөөс хойш цаг хугацаа явах тусам шалгуур чинь улам “намсаж” өөрийнхөө төсөөлж мөрөөддөгөөс огт өөр нэгэнтэй, татагдаагүй хэрнээ л цагаа дэмий үрэхээр болчих магадлал өндөр. “Би түүнд сайн биш л дээ, зүгээр л тэр надад хань болдог юм. Оргүйгээс охинтой нь дээр гэдэг биз дээ” гэх мэтчилэн тайлбар хэлэхээр байдалтай байж болохгүй гэсэн үг. Яг юу гэх гээд байна вэ гэхээр би ийм залуу хүсч байна гэдэг жагсаалтаа өөртөө нэг удаа гаргаж, биччихээд л орхичих. Түүнийг хэрхэн олох талаар ч санаа зовох хэрэггүй. Бүх анхаарлаа өөртөө төвлөрүүлж, урам зоригтой бай. Өөрийгөө хөгжүүлж, амжилт өөд өгс. Хайр өөрөө чам дээр ирэх болно.

2. Чи бусдын ятгалгад автахгүй байж чадах уу?

“Магадгүй чиний үеийн найз нөхөд чинь одоо хоёр дахь хүүхдээ гаргаж, жинхэнэ гэрийн эзэгтэй нар болсоор байна. Харин чи нөгөө л ажил гэр, ажил гэр гэсэн маршруттайгаа суугаа.” – Ийм бодлыг тархиндаа тээсээр байвал чи бусдын ятгалгад маш хурдан автаж, эхний таарсан нэгэнтэйгээ л гэрлэчихэж мэднэ. Ээж чинь оройтлоо гэж, хамаатнууд чинь хүнтэй суугаагүй юу гэж асуух үед “зүгээрээ би болоогүй гэж бодож байгаа” гэсэн хэрнээ л дотроо нээрээ оройтчихож байгаа юм байх даа гэж санаа зовниж эхэлнэ. Харин үүний оронд “Найзууд маань өөрийнхөөрөө амьдралаа зохиож сайхан амьдарч байна. Би ч мөн адил. Ажлаа тараад хүссэн цагаараа гадуур зугаалах, сургалт дамжаанд суух боломж надад бий. Гэрийн эзэгтэй болохоосоо өмнө би ийм ийм ажлуудаг хийж амжуулсан байх болно” гэж бодвол бусдын ятгалгад тийм ч ихээр автаад байхгүй болно. Хэрвээ чамд ингэсэн ч тэдний зөв юм шиг санагдаад байвал “Би ганц бие амьдралын бүх САЙХНЫГ мэдэрч чадаж байгаа/чадсан билүү?” гэж өөрөөсөө асуугаарай.

3. Мөрөөдлийн залуутайгаа учрахад чи өөрөө бэлэн үү?

Чиний мөрөөдлийн залуу – “миний төлөө бүхнээ зориулдаг, боловсролтой, юм үзэж нүд тайлсан, эмэгтэй хүнийг хүндэлдэг” байх гэх мэт жагсаалт байгаа байх. Харин энэ бүх сайхан чанарыг өөртөө шингээсэн залуугийн дэргэд байхдаа чи өөртөө итгэлтэй байж чадах болов уу? Хэний ч хажууд өөрөөрөө байхаас санаа зовдоггүй, өөрийнхөө онцгой гэдэгт итгэлтэй бүсгүй чи мөн бол тун сайн хэрэг. Харин тийм байж чадна гэдэгтээ чи итгэлгүй байгаа бол хэцүү шүү дээ. Өнөө орой л нэг ресторанд найзтайгаа уулзахаар ороход чинь яг чиний хүсдэг залуу найзын чинь танил гээд хамт сууж байвал чи өөрийгөө азтай байна гээд баярлах уу, эсвэл гэнэтийн айдас төрж, түүнээс өөрийн мэдэлгүй дөлөх болов уу? Хоёр дахь хариулт л юм шиг санагдаад байвал дээр хэлсэнчлэн одооноос эхэлж өөртэйгөө ажилла бүсгүй минь. Өөрийнхөө хэн байхыг хүсдэг, ямар ямар сонирхолтой гэдгээ жагсааж бичээд эхнээс нь хэрэгжүүлж эхлээрэй. Юм үзэж нүд тайлсан залууг хүсч байгаа бол чи өөрөө бага ч гэсэн мэддэг зүйлтэй байх хэрэгтэй биш гэж үү? Боловсролтой залуугийн дэргэд чи заавал илүү байх албагүй ч наад захын зүйл мэдэхгүй байж болохгүй шүү дээ. Тэгэхээр өөрийгөө хөгжүүл, боломжийг ашиглаж, хийж чадах бүхнээ хий. Энэ явцдаа л чи өөрийгөө олох болно. Оролдож үзэхгүй байж л болохгүй юм шүү.

4. Өмнөх харилцаануудаасаа чи юу сурсан бэ?

Өмнөх бүтэлгүй харилцаанууд чамд юуг заасан бэ? Яг одоо цаас бал гаргаж байгаад бичээд үз дээ. Эрчүүд ингэж боддог юм байна, ийм үед би ингэх хэрэгтэй юм байна гэх мэт цуглуулсан туршлага чамд байж л таарна. Хэрвээ энэ талаар чи бодож байгаагүй бол яг одоо бодоод үз. Ялангуяа өөрийгөө ямар нөхцөл байдалд ямар хандлага гаргаж байснаа санаж, дүгнэлт хийгээрэй. Ингэхийн тулд эхлээд эксийнхээ нэрийг бичээд аз жаргалтай байсан үеүдээ бодож юунаас сайн сайхныг мэдэрч байснаа бич. Дараа нь хэцүү байснаа санаж юу чамд асуудал болж байсныг бичээрэй. Жижиг зүйлсийг ч орхигдуулж болохгүй шүү. Эцэст нь юу та хоёрыг салах шийдвэрт хүргэснийг бичихэд ерөнхийдөө чиний хайр дурлалын харилцаанаас юу хүсдэг чинь гараад ирнэ. Харьцуулан дүгнэлт хийж болох хэд хэдэн залуус байгаа бол бүгдийг нь гаргаарай. Тэндээс чиний ихэвчлэн ямар төрлийн залуусыг өөртөө татдаг, тийм төрлийн эрчүүд юу хүсдэг гэх мэтчилэн зүйлс гарч ирэх болно оо. За одоо гаргачихсан бол үүнээсээ суралцах цаг боллоо. Өөртөө татчихаад байдаг төрлийнхөө залуусыг чи хүсэхгүй байвал хүсэж байгаа залуу чинь ямар төрлийн эмэгтэйг сонирхох талаар бодоод үз. Одоогийн чиний байгаагаас илүү боловсролтой байх хэрэгтэй бол түүнийгээ хэрэгжүүл, суралц. Гэхдээ өөр нэг баг зүүж, дүр эсгэнэ гэсэн үг биш шүү. Ер нь хүн өөрийн байгаа орчноосоо л хайраа олж, амьдралаа зохиодог. Тиймээс чи орчноо, хүрээллээ өөрчлөх хэрэгтэй ч юм билүү?

5. Цаг хугацаа чиний талд байгаа гэдгийг үргэлж санаарай

Дээр дурдсан 3 зүйлээс хамааралгүйгээр яг одоо чамд болзоот залуу байгаа бол түүнтэй гүнзгий харилцаа үүсгэх гэж эсвэл харилцаагаа шуудхан таслах гэж битгий яараарай. Амжилттай тогтвортой харилцааг хүсэж л байгаа бол шүү дээ. Тэр чамд таалагдлаа гээд сайхан харилцаа үүсч, тэр чамд таалагдахгүй байлаа гээд авах юмгүй байна гэж байхгүй. Зүгээр л цаг хугацаанд бүхнийг даатгаад ажиглаад үз. Магадгүй түүний дотор эрдэнэсийн авдар нуугдаж байгаа ч юм билүү? Бас магадгүй чамд бусдын гэрлэдэг хугацаанаас жаахан оройтчихвол романтик байж чадахгүй юм шиг, романтик зүйл хүсэхэээ больчих юм шиг санагдаж байж болох юм. Жинхэнэ хайртайгаа оройтож учирлаа гээд дур булаам, тачаангуй байхаа болино гэсэн үг биш. Хүсэл тэмүүлэл чинь байж л байвал чи хэзээд дур булаам байж, романтик зүйлсийг таалдаг хэвээр байх болно. Жинхэнэ хайраа олоход хэзээ ч оройтдоггүй. Тиймээс дээрх алхамуудыг туршиж үзээд, цаг хугацаа чиний талд гэдгийг үргэлж санаж яваарай. Оройтлоо гээд яаран шийдвэр гаргаж буруу сонголт хийж болох учраас яаралгүй шийдвэр гаргаарай.

6. Эцэст нь аз жаргал бүхлээрээ чинийх гэдэгт эргэлзэлгүй итгээрэй

Одоо чи хаана байгаа нь чухал биш хаашаа, хэрхэн явж байгаа чинь л чухал учраас одоо ганц бие байгаадаа тэгтэл санаа зовох хэрэггүй. Харин амьдралаа эерэг талаас нь харж ганц бие байсан ч хэрхэн илүү сайхнаар амьдарч болох тухай, хэв маягаа ухаалаг болгох талаар л бодоорой. Аз жаргалтай хүнд л илүү их аз жаргал ирдэг юм.

Яагаад заримынх нь хэдэн жилээр үргэлжилдэг, харин заримынх нь хэдхэн сараас хэтэрч чаддаггүй вэ

Хайр дурлалын харилцаанд хандах бүсгүйчүүдийн ялгаатай хандлагын тухай
Та нар мэднэ дээ, зарим бүсгүйчүүд нэг үерхсэн залуутайгаа 2,3 жил хамт байсаар байдаг бол зарим нь учирсан залуу болгонтойгоо хэдэн сараас хэтэрдэггүйг. Цэвэр тохиолдол уу эсвэл үнэхээр өөр шалтгаан байна уу?

Энэ талаар оюутан дүү маань надтай эхэлж яриа дэлгэлээ. Тэдний ангийн нэг охин амьдралдаа 2 л залуутай үерхсэн ч эхнийхтэй нь 3 жил, хоёр дахьтай нь үерхээд 1 жил болж байгаа аж. Харин дүү маань 3 сараас илүү хугацаагаар нэг хүнтэй тогтвортой харилцаатай байж үзээгүй. Дүү маань хорин хэдхэн настай, урд нь амьдралын уртаа зам хүлээж байгаа хэдий ч яг ийм ялгаа бүсгүйчүүдийн дунд үнэхээр байдаг болохоор би энэ талаар бичихээр шийдсэн юм.

Миний ажигласнаар тогтвортой харилцаагаа удаан хадгалж чаддаг бүсгүйчүүдийн ихэнх нь бидний тодорхойлдгоор “даруухан” байдаг. Харин нөгөө бүлгийн бүсгүйчүүд нь ихэвчлэн гадаад үзэмжиндээ анхаарч, эрчүүдийн талаарх сэдвийг хэзээ ч тойрч гардаггүй байх аж. Гэхдээ зөвхөн үүгээр тодорхойлбол хэтэрхий өрөөсгөл болох болохоор доорх 6 өөр талуудыг жагсаан бичлээ. Хэрвээ чи тогтвортой харилцаа үүсгэх тал дээр нэг л болж өгөхгүй байгаа бол “үерхлийн мастер” бүсгүйчүүдийн эдгээр чадваруудаас суралцаарай:

1. Юуны өмнө тогтвортой харилцаа үүсгэж чаддаг бүсгүйчүүдийн толгойд огт өөр зүйлс эргэлдэж байдаг. Өөрөөр хэлбэл хоол идэж байгаа ресторанд нь царайлаг залуу орж ирэх үед тэр түүний анхаарлыг татах гэж хичээхгүй, зүгээр л хоолоо иднэ эсвэл ажлынхаа төлөвлөгөөг гаргаж сууна. Харин тогтвортой харилцааг амжилтанд хүргэж чаддаггүй бүсгүйчүүдийн ихэнх нь ийм нөхцөлд тэр залуугийн суугаа ширээний урдуур заавал дайрч, 00 өрөө орохоор явна. Тэр мэдээж сайхан хувцасласан байгаа учраас өөртөө тун итгэлтэй алхана. Энэ нь нэг төрлийн анхаарал татах гэсэн оролдлого юм. Гэхдээ иймэрхүү үйлдлийг тусдаа зорилгогүйгээр хийдэг буюу үнэхээр 00 орохоор явах бүсгүйчүүд ч бий. Тэдэнд бусдын анхаарлын төвд байх нь тийм ч хэцүү бишээс гадна тусгайлан хэн нэгнийг өөртөө татах зорилгогүй байдаг. Мөн мэдээж түүний толгойд огт өөр зүйл эргэлдэж байгаа.

• Яг яаж гэдгийг нь мэдэхгүй юм. Гэхдээ л эрчүүдийн ихэнх нь бидний юу бодож байгааг төвөггүй мэдчихдэг гэнэ. Анхаарал татах зорилготой хийж байгаа үйлдэл үү эсвэл ямар ч дүр эсгээгүй, жинхнээсээ ийм анхаарал татам, харц булаам бүсгүй юу гэдгийг ялгачихдаг аж. Магадгүй бодол үйлдэл болж, үйлдэл биднийг илэрхийлдэг гэдэг нь ч байж мэдэх юм. Тиймээс тогтвортой харилцаа үүсгэхийг хүсэж байгаа бүсгүйчүүддээ хандаж хэлэхэд эрчүүдийн талаар хэтэрхий их бодохоо боль. Харин өөрийнхөө тухай, ирээдүйнхээ тухай, гэр бүлийнхнийхээ аз жаргалын тухай болон ажилдаа амжилт гаргах тухай бодож, хажуугаар нь гоо сайхандаа анхаар.

2. Амжилттай харилцаа үүсгэж чаддаг бүсгүйчүүд мөрөөдөлтэй байдаг. Амьдралынхаа туйлын мөрөөдлийг олоогүй байлаа ч хэтийн зорилго тэдэнд бий. Энэ нь тэдний хувьд магадгүй болзоо, эр хүний орон зайнаас ч түрүүнд тавигдана. Ямар нэг эр хүн түүний дэргэд байхгүй ч түүнд араас нь бүхнээ зориулан гүйх зорилго, мөрөөдөл байгаа учраас хэн нэг эрийг хэтэрхий томоор хүлээн авч, амьдралынхаа гол цөм болгодоггүй. Зарим талаараа тэд эрчүүдтэй адилхан байж магадгүй юм. Жишээ нь тэд нэг л шийдсэн бол эргэж буцдаггүй мөн тэр шийдвэрээ зөв гэдгийг өөртөө батлахын тулд бүх зүрх сэтгэлээрээ хичээж чаддаг. Харин амжилттай харилцаа үүсгэж чаддаггүй бүсгүйчүүд ганцхан “ХАЙР ДУРЛАЛ” гэдэг зүйл дээр төвлөрч, бүхнийхээ цөм болгочихдог. Магадгүй гаднаасаа тэгж харагддаггүй байж мэдэх ч дотоод сэтгэлдээ үргэлж эрчүүдтэй харилцах харилцаа, учрал, романсын тухай л бодож, ургуулан төсөөлж байдаг. Магадгүй тэдний цор ганц мөрөөдөл нь гайхалтай нөхөртэй болох ч байж мэдэх юм. Гэвч хичээсний хэрээр бүтчихдэггүй цор ганц зүйл нь хайр сэтгэл шүү дээ.

3. Тэд аминчхан. Тэдний хувьд №1 нь тэр өөрөө дараа нь гэр бүл, найз нөхөд, ажил нь бичигдэнэ. Харин эрчүүд магадгүй бүр №10 руу л явах байх. Цөөхөн эрчүүд л №10 гэсэн дугаараас №1, №2 руу үсэрч чадна. Гэхдээ энэ нь ид шид, арга саамаар биш хоорондоо тохирох, нийцэх харьцаанаас л үүдэлтэй. Мөн болзоот эрчүүд нь түүнд цэцэг жимс барьж гүйхийг тэр жирийн л үзэгдэл гэж үзэх учраас бусдад харуулах зорилгоор зургийг нь авч инстаграмдаад байх нь бараг л үгүй. Баглаа цэцэг, гоо сайхны багцаас илүү өөрийгөө үнэ цэнэтэй гэдийг мэддэгт л гол учир нь байгаа юм. Тэд өөрийнхөө үнэ цэнийг маш сайн мэддэг. Ахин хэлье тэд үнэ цэнээ мэддэг. Гэхдээ үнэ цэнэтэй байхыг их зантай андуурч болохгүй шүү. “Ингэвэл би үнэ цэнэтэй харагдана” гэж бодсон хуурамч их зан биш үнэн сэтгэлээсээ “Би үүнийг, үүнээс ч илүүг авах эрхтэй, чадалтай бүсгүй” гэдэгтээ итгэлтэй байх талаар ярьж байна. 

4. Зөв газруудаар явдаг. Зөв газрууд гэдэг нь зөвхөн мундаг залуусын үйлчлүүлэхүйц үнэтэй том ресторан, клубүүд биш шүү. Харин өөртэй нь тохирох, зөв залуус байж болох тэр л газруудыг хэлж байгаа юм. Тийм газруудын дунд дээр хэлсэн үнэтэй том ресторан, клубүүд орж болно л доо. Гэхдээ тэдний тэнд очих зорилго нь эрчүүдтэй огт хамаагүй байдаг. #1, #2 –ыг сайн уншсан бол чамд ойлгомжтой байгаа байх. Тэдний зорилго өөр, өөрийн гэсэн үзэл бодол, мөрөөдөлтэй учраас эрчүүдийн анхаарлыг гадаад төрхөөс гадна дотоод мөн чанараараа татаж чаддаг. 

5. Үерхлийн мастерууд бусдаас огт хамаардаггүй. Үнэхээр сайн найз нь түүнд болзоот залуугийн нь талаар муу үг дуулгаж, салах нь дээр гэж зөвлөсөн ч тэр эхлээд өөрийнхөө зүрх сэтгэлийг сонсоно. Өөрийн ухаанаар л асуудлыг шийднэ. Харин үерхэж чаддаггүй бүсгүйчүүд найзынхаа үгийг сонсож, дагах магадлал өндөр. 

6. Өөрийгөө битгий хумь. Энэ бол тэдний тэргүүн зарчмуудын нэг. Өөрөөс нь огт өөр ертөнцтэй, сайхан хувцасласан, ажилдаа сайн залуутай танилцсан ч тэр өөрийгөө хумьж, намайг тоохгүй биз дээ гэсэн бодолтой харьцах эсвэл том загас уургалах гэж байгаа мэт аяглахгүй. Энэ нь аль аль талаараа өөрийгөө түүнээс дутуу гэдгийг батлаад өгчихөж байгаа хэрэг юм. Эцсийн эцэст харилцаанд хосын дотоод мөн чанар чухал болохоос хийдэг ажил, зэрэг дэв гэх мэт зүйлс багахан байр суурь эзэлнэ шүү дээ. Нэг үгээр хэлбэл өөртөө итгэлтэй хүний дэргэд тэд улам л өөртөө итгэлтэй байдаг. Өөрийгөө юуны төлөө явж, хаана хүрэхээ маш сайн мэдэж байгаа учраас л тэр юм шүү дээ.

Дээрх 6 зүйлийг багцлаад харвал өөрийнхөөрөө байж чаддаг бүсгүй харагдаж байгаа биз? Тийм ээ, энэ л шүү дээ. Эрчүүдийг өөртөө татах гэж битгий их хичээ, өөрийнхөөрөө бай гээд байдаг маань энэ л юм. Тэгэхээр эрчүүдээс ч дээгүүрт тавигдах өөрийн гэсэн мөрөөдөл зорилготой бай, бүсгүй минь.

Хүмүүс энэ асуултанд цээжин дэх хамаг сайн сайхан үгсээ хамж шимж байгаад хариулдаг. Зарим нь нарийн тодорхойлох боломжгүй гэцгээдэг. Гэвч “хайр”-ыг хэн нэгэн бүрэн үгүйсгэж, зүхэж байсныг би сонсч байсангүй.

Учир нь дэлхийн хэдэн тэрбум хүмүүс бүгд хайрын хүчээр л мэндэлж, үр удмаа үлдээж, өөрийн түүхийн хуудсыг бичилцдэг учраас хэнд ч түүнийг муу хэлэх эрх байхгүй хэмээн бодно.

Хорвоод олон янзын хайр бий гэсэн үгийг бид залхтлаа сонсож байсан. Тэднээс энэ хуудаснаа зөвхөн амраг хосын хайрын талаар өөрийн мэдрэмжээ хуваалцахыг хүссэн юм. Зөвхөн аз жаргалтай төгсгөлийг зөгнөдөг дурлалын талаар юм шүү.

Арван жил, их сургуулийн алинд ч бидэнд хайрын талаар хичээл ордоггүй. Амьдрал өөрөө бидэнд хүнийг хайрлах урлагийг насан туршид нэг ч “завсарлагааны цаг”-гүйгээр нэг нэггүй зааж өгдөг. Тийм ээ. Хүнийг хайрлана гэдэг бүхэлдээ урлаг. Хүний сэтгэл ганцхан эвгүй үгээр “хатгахад” цуурчихмаар, ширүүвтэрхэн харцаар “хөндөхөд” хагарчихмаар хэврэгхэн зүйл. Нэгэнт зүсэгдсэн зүрхийг дараа нь хичнээн энхрийлэвч шарх анина уу гэхээс, сорви арилдаггүй билээ.

Энэ урлагт суралцаагүй нь хэн нэгнийг өвтгөж, өөрөө өвдөхөөс хулчийсандаа цаг зуурын учралуудаар нүдээ баяссгаж, сэтгэлээ хуурч яваа хүмүүс олон. Хайр хэмээх гайхамшиг нь тэгш хэмтэй. Нэг талд нь өвдөлт байдаг ч нөгөө талд нь аз жаргал бий гэдгийг олж харахгүй байгаа бол өрөөсөн нүдээ сохлуулсантай адил.

Хайртай хүнээ харах төдийд л бүх зүйл өөрчлөгдөж, ямар ч зовлон бэрхшээл өчүүхэн мэт санагддаг. Яагаад гэвэл тэр таны хувьд хорвоогийн хамгийн сайхан зан чанарын цогцлол учраас. Тэр таны хувьд бүхэл бүтэн ертөнц учраас. Ертөнц бүхэлдээ таньд байхад өөр юу хүсэх билээ дээ. Иймээс л хайр биднийг жаргалтай болгодог юм. Сүсэглэж ирсэн өнөөх бурхан бус, дэлхийн татах хүч ч бус, зөвхөн тэр л таныг өдий хүртэл амьдруулж амьсгалуулж байсан гэдгийг ойлгоно.

Таны мэдээгүй олон асуултын хариу нэгэн зэрэг тайлагдах шиг л болно. Урьд нь өнгөрсөн амьдралынхаа тухай эргэцүүлдэг байсан бол хүн дурлахаараа ирээдүйнхээ талаар зураглан суудаг. Таныг гэсэн сэтгэлийнх нь хариуд юу өгөхөө ч олохгүй. Түүний төлөө зориулж чадах цорын ганц зүйл амь нас тань гэвэл та үхэхэд ч бэлэн болно. Энэ бол хайр. Хэрэв хайрын төлөө юуг ч золиослохгүй бол, та сүүлд нь илүү их зүйлийг алдах болно.

Төгс төгөлдрийг хүлээж суусаар, учирсан аавын хүү ээжийн охидыг гоочилж явсаар залуу насаа өнгөрөөдөг хүмүүсийг ч олонтаа харж байлаа. Тэгсээр эцэст нь өөрийг “буцаж яваа цаг” болсныг ухаармагцаа зүгээр л таарсан нэгэнтэйгээ ханилах эмгэнэлтэй биш гэж үү? Гэвч ингэж тэвчээртэй хүлээсэн хүн бүр алддаггүй. Бид амьдралынхаа алхам бүрт анзааргатай байхгүй бол олон алтан боломжууд хажуугаар урсан өнгөрсөөр байдаг. Ялангуяа идэр залуу насанд буруу алхам хийсэн ч алдах зүйл өтөл наснаас бага байдаг учир юунаас ч хоцрохгүй явсан хүн нь онодог юм шиг ээ. Хүмүүс төгс төгөлдрийг олсондоо бус, өөрийн хайртай хүнээ төгс төгөлдөр болгож хардагт хайр сэтгэлийн үнэн чанар оршдог гэдэгт итгэж байна.

Эх сурвалж http://www.info.mn

Хайрттайгаа хамт хүчирхэг хайрын харилцааг бүтээхээр эрмэлзэж байна уу? Хайрын харилцаа тань дөнгөж эхлэж байх үеийнх шиг сэтгэл догдлол, халамжийг удаан хуагцаанд хадгалахыг хүсч байна уу? Мэдээж хайр дурлалын харилцаанд хэн нэг нь л хичээл зүтгэл гаргаад байх нь өрөөсгөл ч гэлээ, юу ч хийхгүй байх нь бүр илүү харамсмаар шүү дээ. Таны хүсч буй хүчирхэг хайрын харилцааг бүтээхэд туслах доорхи зөвлөгөөнд анхаарлаа хандуулаарай.

1. Түүнд хэр их хайртайгаа, мөн чиний хувьд хэр их чухал болохоо харуулж бай: Энэ нь үнэтэй бэлэг өгөх эсвэл Парисруу явах тасалбар гэсэн үг биш гэдгийг та ойлгож байгаа байх. Түүнийгээ санах бүрийдээ зурвас илгээх эсвэл бүр жижигхэн хайрын захиаг гэрийнхээ хаа нэг газар байрлуулж болох юм. Түүндээ хэрхэн санаа тавьж буйгаа халуун дотно үнсэлт, тэврэлтээрээ илэрхийлж байгаарай.

2. Хайртдаа анхаарлаа хандуул: Хамтрагч тань  яриа эхлүүлж, тантай харилцан зөвшилцөх үед утсаа маажих юм уу эсвэл зурагтруу хэт уусаад байдаг юм биш биз. Ингэх хэрэггүй. Та түүнд багахан хором анхаарлаа хандуулахад л үл ойлголцох асуудлыг шийдвэрлэнэ гэдгээ мэдэх үү. Хэдий энгийн мэт боловч энэхүү арга нь та хоёрын бие биендээ уусч, харилцаагаа удаан хадгалахад үр дүнтэй шалгарсан арга юм шүү.

3. Хайртынхаа хийх дуртай зүйлийг бас сонирх: Хэдийгээр хайртын чинь сонирхдог зүйлсүүд анхаарлыг тань татдаггүй ч гэлээ хамтдаа хийгээд үзэх хэрэгтэй. Түүний чинь дэмждэг баг түрүүлэх, үзэх дуртай цувралын шинэ анги гарч баярлаж хөөрч байхад нь түүнийгээ ойлго. Дараа нь дуртай цувралынх нь тухай яриулж болохоос гадна, бүр хамтдаа суугаад үзсэн ч болно шүү дээ. Түүнийг чинь жаргалтай болгодог зүйлс чамайг ч бас жаргалтай болгох  юм билүү.

4. Хамтдаа хийж болох зүйлсээр түүнийгээ гайхшруулаарай: Магадгүй хотоос гарч бяцхан аялал хийх, хамтдаа тоглож болох энгийн хэрнээ романтик тоглоомоор тоглох, хоёр биенийхээ өхөөрдөм зургийг авах, хоёулаа ажлаа тасалч болох юм(гэхдээ ажлаа заавал нөхөж хийх хэрэгтэй шүү).

• Хэр их хайртайгаа түүндээ хэлж бай: Түүнийхээ юунд илүү дуртай вэ? Сэтгэл татам инээмсэглэлд нь үү? Хөөрхөн хоёр нүдэнд нь үү? Түүнийхээ хайр татам зүйлсийг үргэлж хэлж байгаарай. Энэхүү жижиг магтаалуудыг өөртөө хадгалаад байж болохгүй шүү дээ. Түүндээ үргэлж сайхан магтаал хэлж байх нь таны магтаалыг сонсохын тулд хайрт чинь бүр их хичээх болно.

Бүдүүлэг зан байдал
Эвгүй муухай үг, өөдгүй зан, хэт хатуурхсан хандлага хэний ч сэтгэлийг сэвтээж, итгэлийг алддаг. Чамаас болж тэр хамгийн сайн найзтайгаа ч ам муруйхад бэлэн байдаг. Гэхдээ тэр надад хайртай учраас миний ямар ч байдлыг тэвчих ёстой гэж бодож байгаа бол том эндүүрэл. Чиний эвгүй зан байдлыг найз чинь нэг хоёр удаа тэсэж өнгөрүүллээ ч гурав дахь удаад бол чи найдах хэрэггүй.

Өдөр бүр “гурилтай шөл”
Ихэнх хосуудын хувьд эхлээд бүх зүйл үлгэрийн юм шиг гайхалтай, романтик байдаг ч цаг хугацаа өнгөрөх тусам уйтгартай, сонирхолгүй болж эхэлдэг. Үүний эсрэг хамтаа тэмцэхгүй юм бол хайр сэтгэл чинь нэг л мэдэхэд хөөс шиг замхарч мэднэ. Өдөр бүр нэгэн хэвийн хувцас өмсөж, үс зүсээ гаргуунд хаявал байдал ямар болохыг төсөөлж үзсэн үү. Чи яг маргаашнаас хайрын анхны болзоонд явах гэж байгаа мэт төрх байдлаа өөрчлөөд үзээрэй.

Цагаа олоогүй найз нар
Заримдаа найз нар чинь хамгийн тохиромжгүй үед гадуур дэмий сэлгүүцэх, пиво уухыг санал болговол шууд татгалзаж сураарай. Найз охинтойгоо ялихгүй зүйлээс болж ам муруйсан тэр үед найз нар хэрэгтэй зөвлөгөө өгнө гэдэг эргэлзэх хэрэгтэй. Ганцаараа сууж сайн бодоод зөвхөн өөрийнхөө зөн совиндоо итгээрэй. Тэдэнтэй үрэх хайран цагаа хайрттайгаа учраа ололцоход зориулж яагаад болохгүй гэж.

Сэтгэл ханах
Кинон дээр гардаг шиг миний хайр дурлалд азгүй явдал тохиосонгүй. Одоо бүх шалгуурыг давж, хүнд давааны цаана гарлаа гэж сэтгэл тайвшрах хэрэггүй. Харин яг одоо бүх зүйл эхэлж байна. Эгзэгтэй мөчид итгэлтэй байхын тулд олж авсан хайраа хамгийн эмзэгхэн юмтай зүйрлэж нандигнаж яваарай.

Тэнэг асуулт
“Чи надад хайртай юу?, Үнэхээр хайртай гэж үү?, Чиний утасны дэвтэр дээр байгаа энэ дугаар хэнийх вэ?, Энэ мэссэжийг хэн явуулсан бэ?, Ингэхэд бид хэзээ гэрлэх вэ?, Чи өмнө нь найз хөвгүүнтэй байсан уу?, Түүндээ одоо ч хайртай юу?” гэх зэрэг асуултуудыг хэзээ ч бүү тавь. Цагаа олоогүй тэнэг асуултууд байдлыг бүр эсрэгээр өөрчилдөг.

Муу зуршил
Хэрвээ чи тамхи татдаг, жаахан балгачих гээд байдаг бол найз охин чинь хэзээ ч дуртай байхгүй. Энэ муу зуршилтайгаа бусдыг эвлэрүүлэх биш харин өөртэйгээ тэмцэж бүр мөсөн хаях хэрэгтэй. Ер нь архи, тамхи хэрэглэж байгаагаар чинь өөрийгөө хэрхэн үнэлдэг хүн бэ гэдгийг чинь мэдэж болно.